75

امراللہ صالح کا افغانستان کا قائم مقام صدر ہونے کا دعویٰ

کابل : امراللہ صالح نے افغانستان کاقائم مقام صدرہونےکادعویٰ کردیا اور کہا صدرکی غیرموجودگی پر نائب صدرقائم مقام صدربن جاتاہے۔
تفصیلات کے مطابق امراللہ صالح نے اافغانستان کاقائم مقام صدرہونےکادعویٰ کرتے ہوئے کہا ہے کہ افغانستان کےآئین کےمطابق میں قائم مقام صدرہوں، صدرکی غیرموجودگی پر نائب صدرقائم مقام صدربن جاتاہے۔
اس وقت میں اپنے ملک ہی میں موجود ہوں ، تمام قائدین کی حمایت اوراتفاق رائےکیلئےرابطے کررہاہوں۔یاد رہے طالبان کے کابل پر قبضے کرنے کے بعد اشرف غنی ملک سے فرار ہوگئے تھے ، افغان حکومت کے چیف ایگزیکٹو عبداللہ عبداللہ نے بھی اشرف غنی نےافغانستان چھوڑنے کی ‏تصدیق کرتے ہوئے کہا کہ افغانستان کےعوام پرسکون رہیں۔اشرف غنی نے بیرون ملک جانے کی وجہ بتاتے ہوئے کہا تھا کہ کابل ‏میں خونی سیلاب روکنےکیلئےافغانستان چھوڑا، اگر میں ملک میں رہتا تو لاتعداد محب وطن شہری شہید ہو جاتے اور کابل تباہ ‏ہو جاتا، بڑی انسانی تباہی ہوتی۔

اس خبر پر اپنی رائے کا اظہار کریں

اپنا تبصرہ بھیجیں